Auslander Beg — Helîm Yûsiv

Yade va ye min meaşe xwe stend Penc hezar wereqe dike yani du caran li meaşe laye cirane me ye muhendise Meha be ez e hinek pere ji we re bişinim Diya wi ji ji hemu pireken ciranan re digot Hema lawe min giha negina Elmanya li we dere buye beg Maşele wek paşayeki diji we meha be ji komek pere ji me re bişine Auslander Beg li Hayim him li benda bersive bu him ji li benda sere mehe bu ji bo meaş Bersiv nedihat le sere mehe dihat Ev deh sal in ku diya wi li benda wi ye da ku hineki ji meaşe xwe je re bişine

Cesare Pavese bi awayekî nemir gotibû Dê mirin bê û di çavên min re li te binihêre Çîroknûs û romannûsê navdar Helîm Yûsiv jî di berhema xwe ya nû Ausländer Beg de ya ku ji 28 kurteçîrokên wî yên nû pêk tê tu dibêjî qey risteya Pavese dupat dike û diçespîne Her dem dengê ken reş bû Her dem rengê girî spî bû Di navbera reş û spî de jî rengê xerîbiyê hebû Kirasekî di vî rengî de xwe li jiyana min pêçabû û ew spartibû dîwarê mirinê Ne jiyana min bi dawî dibû ne jî dest pê dikir Wisa rawestiyayî ji xwe re li her du çavên xweşik yên mirinê dinêrî Ausländer ango biyanî ê ku tevî zehmetiyên nebînayî bi awayekî ji awayan xwe ji pêsîrtengî û karesatên welatê xwe rizgar kiriye û kariye xwe bigihîne welatekî Ewrûpayê yê mezin û pêşketî Bi ser de jî ku ev ausländer yekî Kurd ê nivîskar be li welatê xwe yê mişt bi reşebayiyan temenê xwe yê tijî têkçûn tirs û xofa zik li ser biryara nivîskarbûnê nivîskariya bi zimanê qedexe kirî ava kiribe tûşî trajediya ku hem civaka wî hem jî hêzên dagirker tînin serê mirov bûbe û bazdana ji welêt ji xwe re kiribe deriyê felatê bi peregendetî xwe gihandibe Elmanyayê hatibe nava çandeke biyanî zimanekî biyanî û şêwejiyaneke biyanî û ne mêvanperwer û ne xerîbdost gelo çi rewşine hal û hewaline trajîkomîk tên serê wî Di bewerbungê de daxwaznameya ku ji bo peydakirina kar tê nivîsandin çawa çêdibe ku çênabe wekî kar nivîskar bê nivîsandin Di nava keftelefta akincîbûnê û hewildana peydakirina kar de ji bo ku yê ausländer bikaribe îqameya xwe bistîne kîjan rê û rêbazên seyr diceribîne Nivîskarê bilîmet û jêhatî Helîm Yûsiv di pirtûka xwe ya kurteçîrokan a bi navê Ausländer Beg de ya ku ji 28 kurteçîrokên bi navê wekî Ausländer Beg û Dîwarên Asê Ausländer Beg Mêrê Du Jinan Ausländerê Helbestvan Ausländerê Ker Ausländer Beg Nivîskar e Ausländer Beg Welatparêz e Ausländer Beg Sen Türk müsün Ausländer Beg û Şoreş û Ji Bîranînên Ausländer Beg pêk tê wêneyê Kurdekî ji ber şer serêşî û dijwariyan ji welatê xwe reviyayî bi şêweyekî realîst trajîkomîk bi zimanekî gelekî fesîh nîgar dike û reng e bê gotin ku bi vê zincîreya kurteçîrokên li ser destpêka qonaxa pêkhatina dîasporaya Kurd berhemeke ku dê bi berdewamî bê xwendin diyarî zimanê Kurdî û wêjeya Kurdî dike

Ausländer Beg Ausländer beg dengê penaberiyê Mijar û bandorên li ser zimanê vegotina Helim Yûsivi di vê pirtûkê de bêhtir ber bi lêgerîn û lêpirsînên unîversal ve çûne Di ser lehengên ku ji tozûterpela gund û bajarên xwe yên xwedi jiyanên beriya dîrokê yan çandên beriya kapîtalizmê aciz in re modernîteyê û beriya wê jî gotûbêj dike Bi seriyekî dilbijandina jiyaneke modern û bi seriyê din tiştên ku modernîte ji jiyana me kêm dike rihê me însanetiya me birçî û belengaz dike Kesê ku hîna li welêt e berî ku here Ewrupayê û bibe Ausländer Beg ji tevgera nasên xwe bi gazin e Ev kes dema diçe Ewrupayê dibe xwedî malek bi zîl lê êdî kesekî ku li wê zîla mala wî bide nema peyde dibe û mala bi zîl dibe ciyê ku ji tenêtiyê difetise Hesenê Derwêş