Folklor Û Roman — Remezan Alan

Folklor û Roman di edebiyata kurdî de li pey romanên ku pala xwe dane folklorê dikeve Di van romanan de mijarên wek hişê civakî nasnameya netewî berterefkirina kêmasiyên dîrokî texeyyulên ku berê endîşeyên wan li îro ne bi xwendineke sosyolojîk guftûgo dike Rê îmkan astengî û derbasokên navbera folklor û romanê her wiha encamên ku ji vê têkiliyê derdikevin li ser şazdeh romanan bi awayekî kûr analîz dike Kêşeyên teorîk ên giran û mirûztahl bi vegotineke xwîngerm û şêwazeke edebî tîne meydana nîqaşê Diyar e ev berhem dê di warê xwe de bibe metneke pêşeng û bingehîn

Edebiyata kurdî ya modern ya ku ji nîvê yekê yê sedsala bîstan ve bi rê ketiye ev du dehsalên dawî ne di geşedaneke berçav re derbas dibe Tîr û Armanc hewlek e ji qada Lêkolînên Kurdî an Kurdolojiyê ve ji bo têgihiştina paşxane û dînamîkên heyî yên vê geşedana edebiyata kurdî ya modern Heşt gotarên rexneyî yên vê koleksiyonê ku ji aliyê vekolerên edebiyata kurdî yên li zankoyên welat û derve ve hatine nivîsîn bi nêrîna dîsîplînên rexneya edebî antropolojî û zimannasiyê dikevine dû pirsên pênaseyî naverokî û zimanî yên edebiyata kurdî Tîr û Armanc tevî kêmasiyên xwe namzed e ji bo vîtrîna rexneya edebî ya kurdî ku ev çend sal in daye pey nasnameyeke akademîk Hêvî ew e ku bibe zemînek ji bo pêşketina rexneyeke akademîk lewre ew teyaqûz û hişyariya ji gotarên vê koleksiyonê dipengize pariyek jî ji taybetiya wê xwendina akademîk tê Tîr û Armanc her wiha wek nîşaneyeke çalakiya zimanî jî balkêş e anku wek nîşaneya derbasbûna ji xwendina şexsî ya berhemên edebî bo rexneyên dûvedirêj ên li ser berhemên edebiyata kurdî Diyar e dem dema rexneyê ye