Hefsar — Hesenê Metê

Û ev defter jî li ser maseya ber serê min bûye weke kêla gornekê tenê navê min jê kêm e li bendê ye ku roja mirina xwe lê binivîsim Lê nabe lewra mêze dikim êdî weke berê destê min ji xwe ne bawer e ku binivîse qelema min jî mîna dilê min şikiyaye û êdî xêra xwe nemaye De ev çi ye ji bo Xedê ev çi ye ku ez hîn jî bi pey ketime Ev çi defter e ev çi qelem e ev çi nivîsan e ku ez pê ve hatime gidêdan û xwe mijûl dikim xwe dixapînim bi gotinên pûç û vala Na ez ê êdî nekim Ji bona ku mirinê dereng bixîne Şehrezadê rabû çîrok dirêj kir bi qasî hezar û yek şevî dirêj kir Lê ez ê nekim ez ê çîrokê dirêj nekim êz ê çîroka jiyana xwe dirêj nekim Ji romanê