İslambol Okçuları

İmām Ebū Caʿfer i Ṭaberī ve Mir atü z Zamān mü ellifi Mesʿūdī maḥallinde beyān eylemişlerdür ki sehm ü ḳavs cennetden çıḳmışdur ve rūy ı zemīnde evvelen ḥażret i Ādem i Ṣafī oḳ atmışdur yaʿni ki zirāʿat ve ḥirāsete toḫm ekdikde reme i murġān ı ʿarż pervāz u ṭayerānla indiler ḥażretüñ ekdügi gendüm dānelerini eşüp çıḳarup ġıdā idindiler Her çend ki defʿine saʿy eyledi memnūʿ olmadılar bi l āḫire Ādem peyġamber ʿaleyhi s selām ḥażret i Ḫallāḳ ı dād ger cenābına murġāndan şikāyet eyledi Emr i celīl ile ḥażret i Cibrīl nüzūl idüp cennetden bir ḳavs ve iki oḳ ve bir kiriş getürdi Ṣafiyyul lāh Bunlar nedür diyü istiḥbār itdükde yayı gösterüp Hāẕihī ḳuvvetullāh ve kirişi ṣunup Hāẕihi şiddetu llāh buyurdı baʿde oḳları virüp Nikāyetu llāh taʿbīrin ḳıldı Pes yay nice ḳurılur oḳ nice atılur nice nişānlanur ḥażret i Ādem e ögretdi Bu taḳdīrce tīr endāzlaruñ pīrleri melā ikeden Cibrīl olur peş zümresinden Ṣafiyyul lāh ı Celīl idügi taḥaḳḳuḳ bulur Künhü l Ahbar dan Künhü l Âhbâr Gelibolulu Mustafa Âlî ö 1008 1600 nin dünya tarihi olarak kaleme aldığı eseridir Dört rükn bölüm den oluşur eserin dördüncü rüknü başlangıçtan Eğri Seferi 1005 1596 ne kadar olan Osmanlı Tarihini ihtiva eder