Rûyên Şevê — Bawer Rûken

Rûyên Şevê berevajîyê romanên giştî ên wêjeya me ya îroyîn xwe dispêre zimên Zimanê romanê bi çalakgerîya ku him tehmeke delodînane a bêdawîn û him jî heyecan û meraqa ku xwendevan heta dawîyê bi xwe ve girê dide hatiye nivîsîn Cilda yekem Azwerîyeke Tolhildanî ku serkarakterê wê Doç Dr Halit Öztürk e bi navê xwe î resen ê malê Xalidê Edê akademîsyenekî li Stenbolê dijî bi krîz û bûhranên zewaceke li ber qedandinê vedigevize bi rabirdûya xwe bi dahatûya xwe bi anihayîya xwe û bi hawîyekî xwezayî bi heyîn û bûnewerîya xwe re di şer de ye Bi nasîna wî mêrê esrarengîz hemwelatîyê wî ê ji Rihayê entelektûelê wêrek ê ku tevahîya jîyana xwe ji bo nivîs û nivîskarîyê terxan kiriye Birhîm re rê li ber guhertin û veguhertina cîhana hundir a Xalid vedibe Bi vî hawî roman hin caran ber bi bîr û bîrdanka mirov ve hin caran ber bi dedektîvîyê ve hin caran ber bi surrealîzmê ve hin caran ber bi absûrdîzmê ve û hin caran jî ber bi asayîbûneke neasayî ve dihere Bawer Rûken eynî mîna karakterên di romanê de afirandî hunera xwe a ku xwedan çavdêrîyeke tûj şêwaza ku kêlîyekê ji bo bêhnvedanê jî ranaweste bi hêza azadîya ku xwe dispêre metna nava lepên xwe bi hûrbîn li ser detayan bi destwerdana vegotinê bêyî ku qîma xwe bi serevegotinê bîne heta danekeve kiteyan nasekine Di vê romanê de Rûken nahêle tu kes tu tişt an tu hîs li pêşîya lehîya vegotina wî a tûj û derbdar bibe asteng Fikir bîr bîrdank bîranîn texeyûl xewn û xeyal hîs arezû rû rûpoş bêyî ku ji hev belawela bin an bêyî ku di destpêkê de ji hev qutqutî xuya bikin her tişt her kes û her sehne di nava romanê de wekî puzzleyekê cih û beranberîya xwe dibîne